काठमाडौं । पाँच कम्पनीको लाभांश सुरक्षित गर्ने आज अर्थात पुस १२ गते अन्तिम दिन रहेको छ । सिद्धार्थ बैंक, नेपाल एसबीआई बैंक, लुम्बिनी विकास बैंक, बिन्ध्यबासिनी हाइड्रोपावर, राधी विद्युत कम्पनीको लाभांश सुरक्षित गर्ने आज अन्तिम दिन हो ।
यी कम्पनीहरुले साधारण सभा तथा लाभांश प्रयोजनको लागि पुस १३ गते बुक क्लोज गर्दैछन् । त्यसैले यी कम्पनीहरुको लाभांश सुरक्षित गर्न आजै सेयरधनी बनिसक्नु पर्नेछ ।
सिद्धार्थ बैंक
सिद्धार्थ बैंकले गत आर्थिक वर्षको नाफाबाट १२.५० प्रतिशत बोनस सेयर र कर तिर्न ०.६६ प्रतिशत नगद लाभांश वितरण गर्दैछ । यसले पुस २८ गते वार्षिक साधारण सभा डाकेको छ । सभा आर्मी अफिसर्स क्लब भद्रकाली, काठमाडौंमा बिहान ११ बजे सुरु हुनेछ ।
नेपाल एसबीआई बैंक
नेपाल एसबीआई बैंकले गत आर्थिक वर्षको नाफाबाट लगानीकर्तालाई ३ प्रतिशत बोनस सेयर र ७.५३ प्रतिशत नगद लाभांश वितरण गर्दैछ । लाभांश पारित गर्न बैंकले पुस २५ गते वार्षिक साधारण सभा बोलाएको छ । सभा त्रिभुवन आर्मि अफिसर्स क्लब, भद्रकाली काठमाडौंमा बिहान ११ बजेदेखि सुरु हुनेछ ।
लुम्बिनी विकास बैंक
लुम्बिनी विकास बैंकले गत वर्षको नाफाबाट सेयरधनीहरुलाई ३ प्रतिशत बोनस सेयर र कर सहित ९ प्रतिशत नगद लाभांश गरी जम्मा १२ प्रतिशत लाभांश वितरण गर्दैछ । बैंकले पुस २६ गते वार्षिक साधारण सभा बोलाएको छ । सभा अमृत भोग कालिकास्थान, काठमाडौंमा बिहान ११ बजे सुरु हुनेछ ।
बिन्ध्यबासिनी हाइड्रोपावर
बिन्ध्यबासिनी हाइड्रोपावरले गत वर्षको नाफाबाट ५ प्रतिशतका दरले बोनस सेयर र कर प्रयोजनको लागि ०.२६ प्रतिशत नगद लाभांश वितरण गर्दैछ । कम्पनीले पुस २२ गते वार्षिक साधारण सभा डाकेको छ । सभा कम्पनीको कार्यालय, नयाँ बानेश्वरमा भौतिक तथा भर्चुअल माध्यमबाट बिहान १० बजे सुरु हुनेछ ।
राधी विद्युत कम्पनी
राधी विद्युत कम्पनीले गत वर्षको नाफाबाट ४.७५ प्रतिशत बोनस सेयर र कर तिर्न ०.२५ प्रतिशत नगद लाभांश वितरण गर्दैछ । कम्पनीले पुस २८ गते साधारण सभा डाकेको छ । सभा कम्पनीको कार्यालय त्रिपुरेश्वर,काठमाडौंमा बिहान ११ बजे जुम माध्यमबाट सुरु हुनेछ ।
वि.सं.२०७९ पुस १२ मंगलवार ०८:१६ मा प्रकाशित
