काठमाडौं । नेपाल इन्फ्रास्ट्रक्चर बैंक लिमिटेड(निफ्रा)ले आफ्ना सेयरधनीहरुलाई नगद लाभांश खातामा पठाउन सुरु गरेको छ ।
निफ्राले हितग्राही खातामा बैंक खाता अद्यावधिक गराएका सेयरधनीहरुको सम्बन्धित बैंक खातामा लाभांश जम्मा गरिदिएको हो ।
निफ्राले हालसम्म पनि आफ्नो सेयर प्रमाणपत्रहरु अभौतिकीकरण नगराउने शेयरधनीहरुलाई यथाशीघ्र आफ्नो सेयर प्रमाणपत्र अभौतिकीकरण गराई हितग्राही खातामा आफ्नो बैंक खाता अद्यावधिक गराएर नगद लाभांश लिन अनुरोध गरेको छ । साथै बैंक खातामा प्यान विवरण समेत अद्याअधिक गराउनुपर्ने छ ।
कम्पनीले मंसिर १० गते, सम्पन्न भएको चौथो वार्षिक साधारण सभाले पारित गरेको ४.२१ प्रतिशत नगद लाभांश वितरण गर्न सुरु गरेको हो ।
वि.सं.२०७९ पुस १२ मंगलवार ११:१५ मा प्रकाशित
