काठमाडौं । नेपाल टेलिकमले सेयरधनीलाई नगद लाभांश खातामै पठाइदिने प्रक्रिया अघि बढाएको छ ।
कम्पनीको बिहीबार सम्पन्न वार्षिक साधारण सभाले गत आर्थिक वर्षको नाफबाट ४० प्रतिशत नगद लाभांश वितरण गर्ने प्रस्ताव पारित गरेको थियो ।
उक्त लाभांश कम्पनीले पुस २९ गते शुक्रबारबाट सेयरधनीलाई ४० प्रतिशत नगद लाभांश बैंक खातामा पठाउन सुरु गरेको हो ।
टेलिकमले पुस १७ गतेसम्म डिम्याट खाता र बैंक खाता अद्यावधिक गरेका सेयरधनीको खातामा नगद जम्मा गरिदिन सुरु गरेको हो ।
उक्त मितिपछि बैंक खाता अद्यावधिक गर्नेहरुको हकमा पनि नगद जम्मा गर्ने तयारी भइरहेको रहेको कम्पनीले जनाएको छ ।
वि.सं.२०७९ पुस २९ शुक्रवार १२:४१ मा प्रकाशित
