काठमाडौं । ६८ जना यात्रु र चालक दलका ४ जना सदस्य गरी ७२ जना मानिस लिएर काठमाडौँबाट पोखरा गएको यति एयरलाइन्सको जहाज दुर्घटनामा परेको छ । दुर्घटना भएको विमानमा ७२ जना सवार रहेको खुलेको छ ।
प्राप्त सुचना अनुसार यात्रु तथा चालक दलका सदस्यको सूची अनुसार तीमध्ये ११ जना विदेशी नागरिक छन् भने ३ जना बालबालिका छन् ।
पोखरा विमानस्थलमा अवतरण गर्नु अघि जहाज पोखराको सेती नदीको खोँचमा खसेको हो।
जहाजमा आगो लागेको छ । हालसम्म १६ जनाको शव निकालिएको छ ।
वि.सं.२०७९ माघ १ आइतवार १३:०० मा प्रकाशित