काठमाडौं । लाभांशको सिजन चलिरहेको छ । कम्पनीहरुले धमाधम लाभांश घोषणा गरिरहेका छन् । त्यसैबीच आज माघ २ गते सोमबार ३ लघुवित्त सहित चार कम्पनीहरुले लाभांश घोषणा गरेका हुन् । उक्त दिन नयाँ सारथी लघुवित्त, इन्फिनिटी लघुवित्त, सपोर्ट लघुवित्त र युनाईटेड मोदी हाइड्रोपावरले लाभांश घोषणा गरेका छन् ।
नयाँ सारथी लघुवित्त
नयाँ सारथी लघुवित्तको पुस २९ गते बसेको संचालक समितिको बैठकले लाभांश घोषणा गरेको हो ।कम्पनीले आर्थिक वर्ष ०७८/७९ को मुनाफाबाट हाल कायम चुक्ता पुँजीको १९ प्रतिशत बोनस शेयर र कर प्रयोजनको लागि समेत १ प्रतिशत नगद लाभांश गरि कुल २० प्रतिशत लाभांश वितरण गर्ने प्रस्ताव गरेको हो।
अब उक्त लाभांश नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा बितरण हुने छ ।
इन्फिनिटी लघुवित्त
इन्फिनिटी लघुवित्तको पुस ३० गते बसेको संचालक समितिको बैठकले लाभांश प्रस्ताव गरेको हो ।कम्पनीले आर्थिक वर्ष ०७८/७९ को मुनाफाबाट हाल कायम चुक्ता पुँजीको २० प्रतिशत बोनस शेयर वितरण गर्ने प्रस्ताव गरेको छ। कम्पनीले नेपाल एग्रो लघुवित्तलाई प्राप्ति गरेको हुँदा लाभांशमा कर छुट हुने भएकोले कम्पनीले कर प्रयोजनको लागि रकम छुट्याएको छैन ।
नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि उक्त लाभांश लगानीकर्तामा बितरण हुने छ ।
सपोर्ट लघुवित्त
सपोर्ट लघुवित्तको पुस २९ गते बसेको संचालक समितिको बैठकले लाभांश घोषणा गरेको हो ।कम्पनीले आर्थिक वर्ष ० ७८/७९ को मुनाफाबाट हाल कायम चुक्ता पुँजी ८ करोड ५८ लाखको ११ प्रतिशत बोनस शेयर र कर प्रयोजनको लागि समेत ०.५७८९ प्रतिशत नगद लाभांश गरि जम्मा ११.५७८९ प्रतिशत लाभांश वितरण गर्ने प्रस्ताव गरेको हो।
उक्त लाभांश नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा बितरण हुने छ ।
युनाईटेड मोदी हाइड्रोपावर
युनाईटेड मोदी हाइड्रोपावरको पुस २९ गते बसेको संचालक समितिको बैठकले लाभांश प्रस्ताव गरेको हो । कम्पनीले आर्थिक वर्ष ०७८/७९ को मुनाफाबाट बितरण गर्ने हाल कायम चुक्ता पुँजीको ७ प्रतिशत बोनस शेयर र कर प्रयोजनको लागि समेत ०.३६८ प्रतिशत नगद लाभांश गरि कुल ७.३६८ प्रतिशत लाभांश वितरण गर्ने प्रस्ताव गरेको हो।
अब उक्त लाभांश विद्युत नियमन आयोगले स्वीकृति दिई कम्पनीको आगामी साधारणसभाले पारित गरेपछि सेयरधनीमा बितरण हुने छ ।
वि.सं.२०७९ माघ २ सोमवार १८:३१ मा प्रकाशित
