काठमाडौं । कुमारी बैंकको सेयर नेपाल स्टक एक्स्चेञ्ज(नेप्से) मा सूचिकृत भएको छ ।
साविकको कुमारी बैंक र एनसीसी बैंक एक आपसमा गाभ्ने/ गाभिने गर्दा १ः१ को अनुपातमा कायम हुन आएको प्रति सेयर अंकित तथा चुक्ता मूल्य १०० रुपैंयाका दरको क्रम संख्या १ देखि २६ करोड २२ लाख ५८ हजार ८१३ कित्ता शेयर सूचिकृत भएको हो ।
धितोपत्र सूचिकरण विनियमावली २०७५ बमोजिम नेप्सेमा कारोबार हुने गरी संलग्न सम्झौता, शर्तहरु पालना गर्नेगरी माघ ५ गतेको निर्णायनुसार कम्पनीको रोक्का रहेको सेयर कारोबार फुकुवा गरिएको नेप्सेले जानकारी दिएको छ ।
साथै, कुमारी बैंकको स्टक सिम्बोल र अर्डिनरी शेयरः ‘केबीएल’ र प्रोमोटर शेयर ‘केबीएलपीओ’ रहने र नेप्सेले पहिलो कारोबारका लागि ओपनिङ रेञ्ज १८९.५६ रुपैंया तोकेको छ ।
वि.सं.२०७९ माघ ५ बिहीवार १५:५१ मा प्रकाशित