काठमाडौं । नेपाल स्टक एक्सचेञ्ज (नेप्से) मा सानिमा जनरल इन्स्योरेन्सको सेयर सूचीकृत गरेको छ । सानिमा जनरल र जनरल इन्स्योरेन्स कम्पनीबीच मर्जर पश्चात बनेको सानिमा जनरल इन्स्योरेन्स कम्पनीको सेयर नेप्सेमा सूचिकृत भएको हो ।
सानिमा जनरल इन्स्योरेन्स कम्पनीको नामबाट धितोपत्रको सूचिकृत गरेको हो । कम्पनीको सेयर अंकित मूल्य १०० रुपैयाँको दरले २ करोड कित्ता सेयर नेप्सेमा सूचिकृत भएको हो ।
धितोपत्र सूचिकरण विनियमावली २०७५ बमोजिम नेप्सेमा कारोबार हुने गरी संलग्न सम्झौता, शर्तहरु पालना गर्नेगरी माघ ५ गतेको निर्णायनुसार कम्पनीको रोक्का रहेको सेयर कारोबार फुकुवा गरिएको नेप्सेले जानकारी दिएको छ ।
नेप्सेले कम्पनीको सेयरलाई “एसजिआईसी” संकेत दिएको छ । मर्जर पछि पहिलो कारोबारका लागि नेप्सेले ओपनिङ्ग रेन्ज ३६७ रुपैयाँ ५० पैसा तोकेको छ ।
वि.सं.२०७९ माघ ५ बिहीवार १६:०३ मा प्रकाशित
