काठमाडौं । शाइन रेसुंगा डेभलपमेन्ट बैंकले चालु आर्थिक वर्ष २०७९/८० को दोस्रो त्रैमासको अपरिष्कृत वित्तीय विवरण प्रकाशित गरेको छ ।
चालु आर्थिक वर्षको दोस्रो त्रैमासमा बैंकले ४२ करोड ९६ लाख रुपैयाँ खुद नाफा कमाएको छ । यो नाफा गत वर्षको भन्दा २३.१८ प्रतिशत धेरै हो । गत वर्ष बैंकले ३४ करोड ८८ लाख रुपैयाँ नाफा कमाएको थियो ।
यो त्रैमाससम्म आइपुग्दा बैंकको खुद ब्याज आम्दानी ३०.४३ प्रतिशतले बढेर १ अर्ब ५ करोड रुपैयाँ पुगेको छ । गत वर्ष यस्तो आम्दानी ८० करोड ८५ लाख रुपैयाँ थियो ।
समिक्षा अवधिमा बैंकको सञ्चालन नाफा पनि २३.९९ प्रतिशतले बढेको छ । यता, बैंकको इम्पेयरमेन्ट चार्ज पनि ७१.७३ प्रतिशतले बढेर १४ करोड ८ लाख रुपैयाँ पुगेको छ। हाल यसको चुक्ता पुँजी ४ अर्ब २८ करोड रुपैयाँ भन्दा धेरै छ ।
यस्तै, जगेडा कोषमा १ अर्ब ४३ करोड रुपैयाँ छ । बैंकको खराब कर्जा अनुपात पनि ०.९८ प्रतिशत बाट बढेर १.३१ प्रतिशत पुगेको छ । प्रतिसेयर आम्दानी २० रुपैयाँ ६ पैसा रहेको बैंकको प्रतिसेयर नेटवर्थ १३६ रुपैयाँ २१ पैसा रहेको छ ।
वि.सं.२०७९ माघ ९ सोमवार ११:४८ मा प्रकाशित
