काठमाडौं । यति बेला चार कम्पनीको सेयरमा सकरात्कम सर्किट लाएको छ । यो समाचार तयार पार्ने बेलासम्म आदर्श लघुवित्त सहित चार कम्पनीको सेयरमा सकरात्मक सर्किट लाएको हो ।
आदर्श लघुवित्तको सेयर मूल्य १० प्रतिशत अर्थात प्रतिकित्ता ८४ रुपैंया ८० पैसाले बढेर ९३३ रुपैंया कायम भएको छ ।
मर्जरपछि कुमारी बैंक र सानिमा जिआइसी इन्स्योरेन्सको सोमबारदेखि शेयर कारोबार खुलेको छ।
कुमारी बैंक र एनसिसि बैंक मर्ज भएपश्चात सोमबारदेखि कुमारी बैंकको नामबाट नेप्सेमा शेयर कारोबार खुल्ला भएको हो। मर्जपछि शेयर कारोबार खुलेको पहिलो दिन नै बैंकको शेयरमा सकरात्मक सर्किट लाएको छ । बैंकको सेयर मूल्य ९.९९ प्रतिशत अर्थात प्रतिकित्ता १८ रुपैंया ९४ पैसाले बढेर २०८ रुपैंया ५० पैसा कायम भएको छ ।
यस्तैगरी, सानिमा इन्स्योरेन्स र जनरल इन्स्योरेन्सको मर्जरपश्चात सोमबारदेखि सानिमा जिआइसीको नामबाट कारोबार भएको सानिमा जिआइसीको सेयर मूल्य पनि ९.९९ प्रतिशत अर्थात ३६ रुपैंया ७० पैसाले वृद्धि भई प्रतिकित्ता ४०४ रुपैंया २० पैसा कायम भएको छ ।
त्यस्तै, स्टान्डर्ड चार्टड बैंकको सेयर मूल्य ९.९८ प्रतिशतले बढेको छ ।
वि.सं.२०७९ माघ ९ सोमवार १३:३३ मा प्रकाशित