काठमाडौं । मेरो माइक्रोफाइनान्स लघुवित्त वित्तीय संस्था लिमिटेडले आफ्ना शेयरधनीहरुलाई लाभांश वितरण गर्न सुरु गरेको छ ।
संस्थाको माघ ६ गते बसेको साधारण सभाले आर्थिक वर्ष २०७८/७९ को नाफाबाट सेयरधनीलाई १० प्रतिशत बोनस सेयर र १० प्रतिशत नगद लाभांश (कर सहित) वितरण गर्ने प्रस्ताव पारित गरेको थियो ।
सभाबाट पारित भएको सोही १० प्रतिशत नगद लाभांश सम्बन्धित शेयरधनीहरुको बैंक खातामा जम्मा गरिदिएको हो ।
यता, लघुवित्तले नगद लाभांश खातामा नआएका सेयरधनीलाई डिम्याट खातामा बैंक खाता र प्यान नंम्बर अद्यावधिक गर्न भनेको छ । त्यसपछि यसले वितरण गरेको लाभांश पाइनेछ ।
वि.सं.२०७९ माघ १० मंगलवार ११:०५ मा प्रकाशित
