काठमाडौं । नेपाल स्टक एक्सचेञ्ज (नेप्से)ले एक कम्पनीको शेयर कारोबार फुकुवा गरेको छ । नेप्सेले नेशनल माइक्रोफाइनान्स लघुवित्तको शेयर कारोबार फुकुवा गरिदिएको हो ।
कम्पनीले गत आर्थिक वर्ष २०७८/७९ को लाभांश सम्बन्धि पत्र नेप्सेमा कारोबार समयमा उपलब्ध गराएको हुँदा नेप्सेले धितोपत्र सूचीकरण नियमावली बमोजिम शेयर कारोबार रोक्का राखेको थियो ।
नेप्सेले ३ दिनभित्र के कति कारणले यस्तो हुन पुगेको कारण खुलाई स्पष्टिकरण सोधेकोमा कम्पनीले अबदेखि यस्तो गल्ती नदोहोर्याउने जनाउँदै स्पष्टिकरण पेश गरेको हुँदा आज माघ १० गतेदेखि शेयर कारोबार फुकुवा गरिदिएको जानकारी दिएको छ । अब कम्पनीको शेयर भोली देखि कारोबारमा आउनेछ ।
वि.सं.२०७९ माघ १० मंगलवार १५:३८ मा प्रकाशित
