काठमाडौं । लुम्बिनी जनरल इन्स्योरेन्स कम्पनीले लाभांश संशोधन गरेको छ । कम्पनीले आर्थिक वर्ष ०७८/७९ को मुनाफाबाट बितरण गर्ने लाभांश संशोधन गरेको हो ।
कम्पनीले यस अघि ७ प्रतिशत बोनस शेयर र कर प्रयोजनको लागि ०.३५ प्रतिशत नगद लाभांश बितरण गर्ने घोषणा गरेको थियो ।
बीमा प्राधिकरणको निर्देशन अनुसार कम्पनीको माघ १० गते सम्पन्न संचालक समितिको बैठकले ६.९९ प्रतिशत बोनस शेयर र कर प्रयोजनको लागि ०.३६७९ प्रतिशत नगद लाभांश बितरण गर्ने प्रस्ताव गरेको हो । अब उक्त लाभांश आगामी साधारणसभाले अनुमोदन गरे पछि मात्रै शेयरधनीहरुले पाउने छन् ।
वि.सं.२०७९ माघ ११ बुधवार १०:३० मा प्रकाशित