काठमाडौं । सुपर मादी हाइड्रोपावरको आइपीओमा १ अर्ब ५५ करोड ६२ लाख २१ हजार रुपैयाँ बराबरको आवेदन परेको छ ।
सीडीएसका अनुसार आज अन्तिम दिन (माघ १२ गते) सम्ममा १३ लाख ५७ हजार ७४५ जनाले १ करोड ५५ लाख ६२ हजार २१० कित्ताका लागि आवेदन दिएका हुन् । यो मागभन्दा ८.९२ गुणा बढी आवेदन हो ।
कम्पनीले माघ ९ गतेदेखि सर्बसाधारणलाई १७ लाख ४३ हजार कित्ता शेयर निष्काशन गर्न गरेको हो । यसमा लगानीकर्ताले माघ १२ गतेसम्म आवेदन दिन सक्नेछन्।
लगानीकर्ताले न्यूनतम १० कित्ता शेयरका लागि आवेदन दिनु पर्नेछ भने अधिकतममा ५० हजार कित्ताका लागि आवेदन दिन सक्ने व्यवस्था थियो।
कम्पनीको शेयर निष्काशन तथा बिक्री प्रबन्धक सानिमा क्यापिटल लिमिटेड रहेको छ। यस कम्पनीले कास्की जिल्लाको मादी गाउँपालिकाको सिमाना भएर बग्ने मादी नदीको बहाव सदुपयोग हुने गरी ४४ मेगावाट क्षमताको सुपार मादी जलविद्युत आयोजना निर्माण गरिरहेको छ।
वि.सं.२०७९ माघ १२ बिहीवार १८:१३ मा प्रकाशित