काठमाडौं । महालक्ष्मी विकास बैंक लिमिटेडले आफ्ना शेयरधनीहरुको खातामा नगद लाभांश वितरण सुरु गरेको छ ।
बैंकको गत पुस २९ गते सम्पन्न सभाले गत आर्थिक वर्षको नाफाबाट ६.४७ प्रतिशत नगद लाभांश वितरण गर्ने प्रस्ताव पारित गरेको थियो ।
सोही नगद लाभांश आजदेखि सेयरधनीको हितग्राही खातामा अद्यावधिक रहेको खातामा जम्मा गर्न सुरु गरेको हो ।
बैंकले लाभांश खातामा नआएका सेयरधनीहरुलाई डिम्याट खातामा बैंक खाता अद्यावधिक गर्न अनुरोध गरेको छ । त्यसपछि मात्र लाभांश खातामा पठाइने कम्पनीले जनाएको छ ।
वि.सं.२०७९ माघ १३ शुक्रवार ११:५८ मा प्रकाशित
