काठमाडौं । युनियन लाइफ इन्स्योरेन्सको लाभांश सुरक्षित गर्ने आज अर्थात माघ १५ गते अन्तिम दिन रहेको छ ।
कम्पनीले साधारणसभा प्रयोजनको लागि माघ १६ गते बुक क्लोज गर्ने निर्णय गरेकोले आज माघ १५ गतेसम्म कायम शेयरधनीले मात्र सभामा भाग लिन र प्रस्तावित लाभांश पाउन सक्नेछन् ।
कम्पनीले आर्थिक वर्ष २०७७/७८ को मुनाफाबाट शेयरधनीलाई हाल कायम चुक्तापँजीको ८.९७ प्रतिशत बोनस शेयर वितरण गर्ने प्रस्ताव गरेको हो ।
सोही लाभांश पारित गर्न कम्पनीले माघ २६ गते भैरवहा टाइगर प्यालेस रिसोर्टमा सभा आह्वान गरेको छ । कम्पनीको साधारणसभाले पारित गरेपछि उक्त लाभांश लगानीकर्तामा बितरण हुने छ ।
वि.सं.२०७९ माघ १५ आइतवार १०:१९ मा प्रकाशित
