काठमाडौं । पोखराको काहुँखोला-१३ मा डेरा गरी बस्ने ४३ वर्षीय कृष्ण बहादुर क्षेत्रीले आफ्नै शरीरमा आगो लगाएका छन् ।
आफ्नो शरीरमा पेट्रोल छर्किएर आगो लगाएका क्षेत्रीको उद्धार गर्न खोज्दा घरबेटी संगीता सापकोटा समेत जलेर घाइते हुन पुगेकी छिन् ।
दुवैलाई उद्धार गरी पोखरा स्वास्थ्य विज्ञान प्रतिष्ठान लगेका छन् । उनीहरुको उपचार भइरहेको जिल्ला प्रहरी कार्यालय कास्कीका निरिक्षक सुभाष तिमिल्सिनाले बताए ।
क्षेत्रीले किन आत्मदाहको प्रयास गरे भन्ने यकिन थाहा नभइसकेको पनि प्रहरी निरिक्षक तिमिल्सिनाले जानकारी दिए ।
वि.सं.२०७९ माघ १५ आइतवार १३:४९ मा प्रकाशित