काठमाडौं । साताको पहिलो कारोबार दिन सेयर बजारमा गिरावट आएको छ । उक्त दिन सेयर बजार १४.६८ ५ अंकले घटेको हो ।
उक्त दिन नेप्से परिसुचक २१६८.५३ अंकको बिन्दुमा पुगेर बन्द भएको छ । आज सेयर बजार घट्दा ३ अर्ब १ करोड ७० लाख ६३ हजार रुपैंया बराबरको कारोबार भएको छ ।
आज नेप्सेमा सूचिकृत २६७ कम्पनीको ८२ लाख ७६ हजार ७५१ कित्ता सेयर किनबेच भएको छ । आज नेप्सेमा रहेको होटल्स टुरिजम र लाईफ इन्स्योरेन्स बाहेक सबै उपसूचकमा राताम्मै छाएको छ ।
सेयर बजारमा गिरावट आउँदा सम्वृद्धि फाइनान्स कम्पनीको सेयर मूल्य उच्च दरमा घटेको छ । कम्पनीको सेयर मूल्य ६.०९ प्रतिशतले घटेको छ ।
त्यस्तै, सिभिल लघुवित्तको ६.०८ प्रतिशत, सूर्योदय ओमी लघुवित्तको ५.२८ प्रतिशत, ग्रीन लाईफ हाइड्रोपावरको ५.०७ प्रतिशतले सेयर मूल्य घटेको छ ।
वि.सं.२०७९ माघ १५ आइतवार १५:०८ मा प्रकाशित