काठमाडौं । अपि पावर कम्पनीलाई हकप्रद निष्काशनको लागि विद्युत नियमन आयोगले पूर्व स्वीकृति प्रदान गरेको छ।
कम्पनीको माघ २ गते बसेको संचालक समितिको बैठकले ४० प्रतिशत हकप्रद निष्काशन गर्ने प्रस्ताव गरेको थियो ।
विद्युत नियमन आयोगको माघ १२ गतेको बैठकले कम्पनीलाई हकप्रद शेयर निष्काशन गर्ने प्रस्ताव साधारणसभामा लैजान स्वीकृति दिएको हो।
यस सँगै अब कम्पनीको साधारणसभाले पारित गरेपछि र नेपाल धितोपत्र बोर्डले स्वीकृति दिएपछि कम्पनीले हकप्रद निष्काशन गर्ने छ ।
कम्पनीले हाल विद्यमान रहेको चुक्ता पूँजी ३ अर्ब ८४ करोड ४९ लाख १५ हजार ५४६ रुपैयामा ७.५ प्रतिशत बोनश शेयर समेत समावेश गरी कायम हुने चुक्ता पूँजी ४ अर्ब १३ करोड ३२ लाख ८४ हजार २११ रुपैंया ६९ पैसाको १ः०४० को अनुपातमा रु. १०० अंकित दरका १ करोड ६५ लाख ३३ हजार १३७ कित्ता हकप्रद शेयर जारी गर्ने निर्णय गरेको हो ।
वि.सं.२०७९ माघ १५ आइतवार १६:१० मा प्रकाशित
