काठमाडौं । आज थप दुई लघुवित्त कम्पनीहरुले लाभांश घोषणा गरेका छन् । उक्त दिन सिभिल लघुवित्त र उपकार लघुवित्तले लभांश घोषणा गरेका हुन् ।
सिभिल लघुवित्त
सिभिल लघुवित्त वित्तिय संस्थाको माघ १३ गते बसेको संचालक समितिको बैठकले लाभांश घोषणा गरेको हो ।
कम्पनीले आर्थिक वर्ष ०७८/७९ को मुनाफाबाट हाल कायम चुक्ता पुँजीको ११ प्रतिशत बोनस शेयर र कर प्रयोजनको लागि ०.५८ प्रतिशत नगद लाभांश गरि कुल ११.५८ प्रतिशत लाभांश वितरण गर्ने प्रस्ताव गरेको हो। हाल कम्पनीको चुक्ता पुँजी २८ करोड ८१ लाख २४ हजार रहेको छ ।
अब उक्त लाभांश नेपाल राष्ट्र बैंकले स्वीकृति भई र कम्पनीको आगामी साधारणसभाले पारित गरेपछि लगानीकर्तामा बितरण हुने छ ।
उपकार लघुवित्त
उपकार लघुवित्त वित्तिय संस्थाको माघ १३ गते बसेको संचालक समितिको बैठकले लाभांश प्रस्ताव गरेको हो ।
कम्पनीले हाल कायम चुक्ता पुँजीको ६१.७५ प्रतिशत बोनस शेयर र कर प्रयोजनको लागि ३.२५ प्रतिशत नगद लाभांश गरि कुल ६५ प्रतिशत लाभांश वितरण गर्ने प्रस्ताव गरेको हो। हाल कम्पनीको चुक्ता पुँजी ६ करोड ५६ लाख २५ हजार रहेको छ ।
उक्त लाभांश नेपाल राष्ट्र बैंकले स्वीकृति दिएपछि र कम्पनीको आगामी साधारणसभाले पारित गरेपछि लगानीकर्तामा बितरण हुने छ ।
वि.सं.२०७९ माघ १५ आइतवार १८:१४ मा प्रकाशित
