काठमाडौं । शिवम् सिमेन्ट्सले आफ्ना सेयरधनीहरुलाई नगद लाभांश खातामा वितरण गर्न सुरु गरेको छ ।
कम्पनीको पुस २९ गते बसेको साधारण सभाले आर्थिक वर्ष ०७८/७९ को नाफाबाट सेयरधनीलाई १०.५३ प्रतिशत नगद लाभांश (कर सहित) वितरण गर्ने प्रस्ताव पारित गरेको थियो ।
सोही लाभांश कम्पनीले डिम्याट खातामा बैंक खाता अद्यावधिक गराएका सेयरधनीलाई माघ ५ गते देखि १०.५३ प्रतिशत नगद लाभांश (कर सहित) जम्मा गर्न सुरु गरेको कम्पनीले जनाएको छ ।
कम्पनीले नगद लाभांश खातामा नआएका सेयरधनीलाई डिम्याट खातामा बैंक खाता अद्यावधिक गर्न अनुरोध गरेको छ । त्यसपछि मात्र लाभांश पाइनेछ ।
वि.सं.२०७९ माघ १६ सोमवार १०:३८ मा प्रकाशित