काठमाडौं । चिलिमे जलविद्युत् कम्पनीले सेयरधनीको बैंक खातामा नगद लाभांश जम्मा गरिदिएको छ ।
कम्पनीको पुस २२ गते सम्पन्न साधारण सभाले आर्थिक वर्ष ०७८/७९ को नाफाबाट ७.५ प्रतिशत नगद लाभांश र ७.५ प्रतिशत बोनस सेयर दिने प्रस्ताव पारित गरेको थियो । सोही ७.५ प्रतिशत नगद लाभांश माघ ५ गतेबाट वितरण गरेको कम्पनीले जनाएको छ ।
कम्पनीले नगद लाभांश खातामा नआएका सेयरधनीलाई डिम्याट खातामा बैंक खाता अद्यावधिक गर्न अनुरोध गरेको छ । त्यसपछि मात्र लाभांश पाइनेछ ।
वि.सं.२०७९ माघ १६ सोमवार ११:१७ मा प्रकाशित
