काठमाडौं । न्यादी हाइड्रोपावर लिमिटेडले १५औं वार्षिक साधारण सभा बोलाएको छ । कम्पनीको माघ १९ गते बसेको सञ्चालक समितिको बैंठकले चैत ६ गते सभा बोलाउने निर्णय गरेको हो । सभा कार्की ब्याङ्क्वेट बबरमहल, काठमाडौमा बिहान ११ बजे बस्ने भएको हो ।
सभाले संचालक समितिको प्रतिवेदन उपर छलफल गरी पारित गर्ने छ । साथै, लेखापरिक्षकको प्रतिवेदन सहित आव २०७८/७९ को वित्तिय विवरण छलफद गरी पारित गर्ने छ ।
सभाले लेखापरिक्षण समितिको सिफारिस अनुसार आव २०७९/८० का लागि लेखापरिक्षकको नियुक्ति र पारिश्रमिक निर्धारण गर्ने र सर्वसाधारण शेयरधनीहरुको तर्फबाट प्रतिनिधित्व गर्ने एक जना महिला संचालक सहित दुई जना संचालकको निर्वाचन गर्ने प्रस्ताव रहेको छ ।
वि.सं.२०७९ माघ २२ आइतवार १४:५१ मा प्रकाशित
