काठमाडौं । सनराइज बैंक लिमिटेडले ५ वर्ष पुरानो लाभांश बुझिलिन आग्रह गरेको छ । कतिपय सेयरधनीले ५ वर्षअघिको नगद लाभांश लिन नआएपछि एक सूचना जारी गरेर लिन बोलाएको हो ।
बैंकको साधारण सभाबाट पारित भई वितरण गरेको लाभांश रकमहरु बुझिलिन बाँकी रहेका शेयरधनीहरुले आफ्नो शेयर प्रमाणहरु वा डिम्याट खाता नम्बरका साथ लिन बाँकी रहेको लाभांश रकम बुझिलिन बैंकले अनुरोध गरेको हो ।
साथै सम्बन्धित शेयरधनीहरुले ३५ दिनभित्र बैंकको शेयर रजिष्ट्रारको कार्यालय सनराइज क्यापिटल लिमिटेड, कमलपोखरी, काठमाडौंमा सम्पर्क गरी बुझिलिन सक्नेछन् ।
तोकिएको समय भित्र नगद लाभांश लिन नगएमा उक्त रकम लगानीकर्ता संरक्षण कोषमा पठाइने बैंकले उल्लेख गरेको छ ।
वि.सं.२०७९ माघ २३ सोमवार १३:१४ मा प्रकाशित
