back

याक एण्ड यतीमा कानुन विपरित विदेशी कामदार, श्रम विभागमा पर्यो उजुरी

काठमाडौं । काठमाडौंको प्रतिष्ठित पाँचतारे होटेल याक एण्ड यतीमा कानुन विपरित विदेशी कामदार राखिएको भन्दै श्रम तथा व्यवसायजन्य सुरक्षा विभागमा उजुरी परेको छ । एकीकृत ट्रेड युनियन महासंघ नेपालले दरवारमार्गमा सञ्चालनमा रहेको होटल याक एण्ड यतिले प्रचलित श्रम ऐन २०७४ तथा श्रम नियमावली २०७५ विपरित अस्ट्रियन नागरिक मोनिका पिटर स्काइब्लाउरलाई जनरल मेनेजरको पदमा काम लगाउँदै आएकोले होटेल र कामदार दुवै पक्षलाई आवश्यक कारवाहीको माग गरेको छ ।

विवादित व्यवसायी राधेश्यम सराफको लगानी रहेको होटल याक एण्ड यतिले व्यापारिक भिसामा नेपालामा रहेको अष्ट्रियाको नागरिकलाई श्रमस्वीकृतिबिना महाप्रबन्धकमा नियुक्त गरिएको खुलासा भएको हो । सराफकै समूहले नेपाली लागनी समेत भएको होटल हायतको सम्पत्ति जालसाजी पूर्वक कब्जामा लिएको छ ।

श्रमस्वीकृतिविना विदेशीले नेपालमा काम गर्न पाउँदैनन् । तर मोनिकाले याक एण्ड यतिको महाप्रबन्धक पदमा जागिर खाइरहेकी छिन । श्रम कानुनको उलंघन गर्दै याक एण्ड यतिले मोनिकालाइ काम गराएको पाएपछि त्यहाँको कर्मचारीका संस्थाहरूले कारबाही लागि उजुरी गरेका छन ।

यस विषयमा ट्रेड यूनियन महासंघले नै गैरकानूनी रुपमा काम गर्ने विदेशी नागरिकलाई कारवाही गर्न निवेदन दिएसँगै यो विषय सार्वजनिक भएको हो । महासंघले श्रम तथा व्यवसायजन्य सुरक्षा विभागमा कारबाहीको लागि भन्दै निवेदन दिएको छ ।

निवेदनमा अष्ट्रियन नागरिक मोनिका पिटर स्काइब्लाउरले बिना श्रम स्वीकृति होटेलमा काम गरिरहेकाले कारबाही गर्न माग गरिएको छ । उनले नेपालमा विजनेश गर्ने भनेर सोही अनुसारको भिसा लिएर अर्को प्रयोजनको काम गरेको पाइएको हो ।

उनले २०७८ सालको मंसिर महिनामा ब्लु इनर्जी प्रा.लि नामको कम्पनी दर्ता गरेर विजनेश भिसा लिएको देखिएको छ । तर काम भने उनले याक एण्ड यति होटलमा जीएमका रुपमा गर्दै आएकी छिन् ।

एक किसिमको प्रयोजनका लागि आएर अर्को प्रयोजनका लागि काम गरिरहेको अवस्थामा उनलाई कारबाही गर्नु पर्ने महासंघको माग छ । श्रम स्वीकृति बिनै काम लगाउने होटल र अष्ट्रियन नागरिकलाई कारबाही गर्न पनि विभागसमक्ष महासंघले अनुरोध गरेको छ ।

उनलाई उद्योग विभाग अन्तर्गतको विदेशी लगानी तथा प्रविधि हस्तान्तरण शाखाले उनलाई विजनेश भिसाको सिफारिस गरेको छ । विजनेश भिसा लिएर गैर कानूनी रुपमा काम गरिरहेको पाइएपछि हामीले उनलाई सम्पर्क गर्दा उनी सम्पर्कमा आउन चाहिनन् ।

वि.सं.२०७९ माघ २३ सोमवार २०:१३ मा प्रकाशित

You can share this post!

मन्त्रिपरिषद् विस्तारमा ढिलाइ हुँदा बजेटका बेला आर्थिक प्रशासन अलमलमा पर्ने आशंका

मन्त्रिपरिषद् विस्तारमा ढिलाइ हुँदा बजेटका बेला आर्थिक प्रशासन अलमलमा पर्ने आशंका

वि.सं.२०७९ चैत १५ बुधवार १७:२१

काठमाडौं । मन्त्रिपरिषद् विस्तारमा ढिलाइ हुँदा बजेट प्रशासनसँग जोडिएका अधिकांश...

सिराहामा एसईईको तयारी पूरा, १० हजार बढी विद्यार्थी सहभागी हुँदै

सिराहामा एसईईको तयारी पूरा, १० हजार बढी विद्यार्थी सहभागी हुँदै

वि.सं.२०७९ चैत १५ बुधवार १७:०४

मुकेश कुमार यादव / सिरहा । सिराहामा विद्यालय शिक्षाको फलामे...

गाेलबजारका मेयर श्रेष्ठ माथी मोबिल छ्याप्नेलाइ कडा कारबाही गर्न माग

गाेलबजारका मेयर श्रेष्ठ माथी मोबिल छ्याप्नेलाइ कडा कारबाही गर्न माग

वि.सं.२०७९ चैत १५ बुधवार १६:२४

मुकेश कुमार यादब, सिरहा। गोलबजार नगरपालिकाले मेयर श्यामकुमार श्रेष्ठमाथि मोविल...

सगरमाथा लुम्बिनी इन्स्योरेन्सको सिईओमा चंकी क्षेत्री नियुक्त

सगरमाथा लुम्बिनी इन्स्योरेन्सको सिईओमा चंकी क्षेत्री नियुक्त

वि.सं.२०७९ चैत १५ बुधवार १६:०१

काठमाडौं । सगरमाथा लुम्बिनी इन्स्योरेन्स कम्पनीको सिईओमा चङकी क्षेत्री नियुक्त...

प्रचण्ड सरकारमा एकीकृत समाजवादीवाट प्रकाश ज्वालाले नेतृत्व गर्ने

प्रचण्ड सरकारमा एकीकृत समाजवादीवाट प्रकाश ज्वालाले नेतृत्व गर्ने

वि.सं.२०७९ चैत १५ बुधवार १५:५१

काठमाडौं । माधवकुमार नेपाल नेतृत्वको नेकपा  (एकीकृत समाजवादी) ले प्रकाश...

भारतीय तरकारीले धानेको नेपाली भान्सा : उत्पादन कम आयात बढी

भारतीय तरकारीले धानेको नेपाली भान्सा : उत्पादन कम आयात बढी

वि.सं.२०७९ चैत १५ बुधवार १४:१३

काठमाडौं । कुनै समय थियो हामीलाई आफ्नै खेतबारीमा उत्पादित तरकारीले...