काठमाडौं । सानिमा लाइफ इन्स्योरेन्सले चालु आवको दोस्रो त्रैमाससम्मको वित्रिय विवरण सार्वजनिक गरेको छ । यस अवधिसम्म आइपुग्दा इन्स्योरेन्सको खुद नाफा २३.६३ प्रतिशतले बढेर ११ करोड ६१ लाख ८४ हजार रुपैयाँ पुगेको छ ।
गत वर्षको यसैअधिमा कम्पनीले ९ करोड ३९ लाख ७९ हजार रुपैयाँ खुद नाफा कमाएको थियो । यसअवधिमा जीवन बिमा कोषको आकार ४४.३८ प्रतिशतले बढेर ४ अर्ब ८ करोड ५३ लाख ९५ हजार रुपैयाँ पुगेको छ ।
कम्पनीको खुद बिमा शुल्क आर्जन ०.८५ प्रतिशतले बढेर १ अर्ब १७ करोड २० लाख रुपैयाँ पुगेको छ । सानिमाका रिजर्भ कोष ८.०२ प्रतिशतले बढेर ३५ करोड ९० लाख रुपैयाँ कायम भएको छ ।
समिक्षा अवधिसम्म आइपुग्दा प्रतिसेयर आम्दानी २ रुपैयाँ २३ पैसाले बढेर ११ रुपैयाँ ६२ पैसा पुगेको छ । प्रतिसेयर नेटवर्थ भने १२० रुपैयाँ १९ पैसा छ ।
वि.सं.२०७९ माघ २५ बुधवार १०:१९ मा प्रकाशित