काठमाडौं । सुपर माई हाइड्रोपावरको आइपीओ भोली अर्थात फागुन ५ गते शुक्रबार बाँडफाँड गर्ने तयारी गरिएको छ ।
बिक्री प्रबन्धक सानिमा क्यापिटलका अनुसार शुक्रबार बिहान १० बजे आफ्नै कार्यालय नक्साल, काठमाडौंमा आइपीओ बाँडफाँट गर्ने तयारी गरिएको छ । यसमा मागभन्दा ३७.१२ गुणा बढी आवेदन परेको छ ।
यसर्थ गोलाप्रथाबाट आइपीओ बाँडफाँड हुनेछ । त्यसैले, सुपर माईको आइपीओ हात पार्न भाग्यकै भरपर्नु पर्नेछ । यसमा १३ लाख ८६ हजार ८०२ जनाले कुल १ करोड ५४ लाख ६ हजार ६० कित्ताको लागि आवेदन दिएका छन् ।
जसमा ४१ हजार ५०० जनाले मात्र सेयर हात पार्नेछन् । बाँकी १३ लाख ४५ हजार ३०२ जनाको भने हात खाली हुनेछ ।
कम्पनीले माघ २३ गतेदेखि आफ्नो जारी पूँजी ५० करोड रुपैयाँको १० प्रतिशतले हुन आउने ५ करोड रुपैयाँ बराबरको ५ लाख कित्तामध्ये १० प्रतिशत अर्थात ५० हजार कित्ता वैदेशिक रोजगारीमा रहेको नेपालीहरुलाई, २५ हजार कित्ता सामूहिक लगानी कोषहरुलाई बाँडफाँड गरी २ प्रतिशत अर्थात १० हजार कित्ता शेयर कम्पनीमा कार्यरत कर्मचारीहरुका लागि सुरक्षित गरी बाँकी रहने ४१ हजार ५०० कित्ता आइपीओ बिक्री खुला गरेको हो।
वि.सं.२०७९ फागुन ४ बिहीवार १७:३४ मा प्रकाशित
