काठमाडौं । आज फागुन २९ गते सोमबार कृषि विकास बैंक र स्वरोगार लघुवित्तको लाभांश सुरक्षित गर्ने अन्तिम दिन रहेको छ ।
यी दुवै कम्पनीले साधारण सभा तथा लाभांश प्रयोजनार्थ सोमबार भोली फागुन ३० गते बुक क्लोज गर्दैछन् । त्यसकारण, दुवै कम्पनीको लाभांश सुररिुक्षत गर्न आजै सेयरधनी बन्नुपर्ने हुन्छ ।
कृषि विकास बैंकले गत आर्थिक वर्षको नाफाबाट साधारण सेयरधनीहरुलाई २ प्रतिशत बोनस सेयर र कर सहित ११ प्रतिशत नगद गरी कुल १३ प्रतिशत लाभांश वितरण गर्दैछ । सोही लाभांश पारित गर्न यस बैंकले चैत १४ गते बैंकको केन्द्रीय तालिम प्रतिष्ठान बोडे, भक्तपुरमा बिहान ११ बजे वार्षिक साधारण सभा बोलाएको छ ।
स्वरोगार लघुवित्त वित्तीय संस्थाले गत आर्थिक वर्षको नाफाबाट सेयरधनीहरुलाई २२ प्रतिशत बोनस सेयर र कर प्रयोजनका लागि १.१५७ प्रतिशत नगद लाभांश गरी जम्मा २३.१७५ प्रतिशत लाभांश बितरण गर्ने भएको छ । सोही लाभांश पारित गर्न कम्पनीले चैत ११ गते नेपाल प्रज्ञा प्रतिष्ठान, कमलादी काठमाडौंमा बिहान ११.३० बजे वार्षिक साधारण सभा बोलाएको छ ।
वि.सं.२०७९ फागुन २९ सोमवार ०८:२८ मा प्रकाशित
