काठमाडौं । नेपाल राष्ट्र बैंकले स्वरोजगार लघुवित्त र समता घरेलु लघुवित्त वित्तीय संस्थाबीचको मर्जरलाई सैद्धान्तिक सहमति प्रदान गरेको छ ।
यी दुई लघुवित्तबीच एकआपसमा गाभ्ने/गाभिने (मर्जर) सम्बन्धमा विभिन्न शर्तहरु सहित नेपाल राष्ट्र बैंकले बैंक तथा वित्तीय संस्था सम्बन्धी ऐन २०७३ र मर्जरसम्बन्धी विनियमावली, २०७३ बमोजिम एकआपसमा गाभ्ने/गाभिने (मर्जर)को लागि सैद्धान्तिक सहमति प्रदान गरेको हो ।
स्वरोजगार लघुवित्तको केन्द्रीय कार्यालय बनेपा नगरपालिका वडा नं. ५ काभ्रेपलाञ्चोकमा रहेको छ भने समता घरेलु लघुवित्तको केन्द्रीय कार्यालय बनेपा नगरपालिका वडा नं ७ काभ्रेपलाञ्चोकमा रहेको छ ।
वि.सं.२०७९ चैत १ बुधवार १०:४८ मा प्रकाशित
