काठमाडौं । प्रभु बैंकको सेयर नेपाल स्टक एक्स्चेञ्ज(नेप्से) मा सूचिकृत भएको छ ।
साविकको प्रभु बैंकले सेञ्चुरी कमर्सियल बैंकलाई १ः१ को अनुपातमा प्राप्ति गर्दा कायम हुन आएको प्रति सेयर अंकित तथा चुक्ता मूल्य १०० रुपैंयाका दरको क्रम संख्या १ देखि १० करोड ७७ हजार १९८.८५ कित्ता शेयर सूचिकृत भएको हो ।
प्रभु बैंकको यस अघि सुचिकृत १३ करोड ५३ लाख ४७ हजार ६ सय ९९ कित्ता शेयर र आज सुचिकृत भएको १० करोड ७७ लाख १ सय ९८ दशमलव ८५ कित्ता शेयर सहित प्रभु बैंकको कुल सुचिकृत शेयर संख्या २३ करोड ५४ लाख २४ हजार ८ सय ९९ कित्ता पुगेको छ ।
धितोपत्र सूचिकरण विनियमावली २०७५ बमोजिम नेप्सेमा कारोबार हुने गरी संलग्न सम्झौता, शर्तहरु पालना गर्नेगरी चैत १ गतेको निर्णायनुसार सूचिकृत गरेको नेप्सेले जानकारी दिएको छ ।
साथै, सेञ्चुरी कमर्सियल बैंकको (सिसिबिएल) खारेज गरी प्रभु बैंक (पिआरभियु) को नाममा अभिलेख गर्न अनुरोध गरेको छ ।
वि.सं.२०७९ चैत १ बुधवार १२:२६ मा प्रकाशित