सुर्खेत । जाजरकोट बारेकोट गाउँपालिकाले विद्यालयमा आधुनिक प्रबिधि मैत्री शिक्षण शिकाइ गर्नका लागि प्रबिधी हस्तान्तरण गरेको छ ।
आज तीन वटा माध्यमिक विद्यालयमा प्रबिधी हस्तान्तरण गरेको गाउँपालिकाका अध्यक्ष बीरबहादुर गिरीले जानकारी दिए ।
बीरेन्द्र ऐश्वर्य माबि लिम्सा, दिपेन्द्र माबि सक्ला र सीता माबि कार्कीज्युलालाइ आधुनिक प्रबिधि मैत्री शिक्षण प्रबिधी हस्तान्तरण गरिएको हो । नब प्रबर्तन साझेदार कोष मार्फत गाउपालिको डिजिटाइजेशन परियोजनाबाट प्रती बिद्यालय ५ लाख बराबरको प्रबिधी हस्तान्तरण गरिएको उनले बताए । प्रबिधी मैत्री शिक्षण शिकाइ युगको शुरुवात गर्ने अभियानमा पालिका लागेको अध्यक्ष गिरीले जानकारी दिए । ९ वटा बालविकास केन्द्रमा समेत प्रबिधी मैत्री बनाउने काम भइहेको उनले बताए ।
प्रत्येक वर्ष यहाँका विद्यालयहरु प्रबिधी मैत्री बनाएर लैजाने कार्यक्रम रहेको अध्यक्ष गिरीको भनाई छ । प्राध्यापन तथा पत्रकारिता पेशाबाट राजनीतिमा रोमिएर गाउँपालिकाका अध्यक्ष भएका गिरीले पालिका भित्र नयाँ ,नयाँ कार्यक्रमहरु सञ्चालन गरिरहेका छन् । शैक्षिक क्षेत्र सुधार नभइ अरु क्षेत्र सुधार नहुँने उनको दावी छ ।
वि.सं.२०७९ चैत ७ मंगलवार १३:३७ मा प्रकाशित