काठमाडौं । ग्लोबल आइएमई बैंकले केही संस्थापक सेयरहरू बिक्री गर्ने भएको छ । बैंकले संस्थापक सेयरधनी कुनाल कयालको नाममा रहेको ५ लाख कित्ता सेयर आजबाट बिक्रीमा राखेको हो ।
नेप्सेमा पछिल्लो पटक बैंकको संस्थापक सेयर प्रतिकित्ता ११४ रुपैयाँमा कारोबार भएको छ । तर, बैंकले बिक्रीमा राखेको सेयरको मूल्य प्रतिकित्ता न्युनतम १३५ रुपैयाँ तोकिएको छ । दोस्रो बजारमा कायम रहेकोभन्दा प्रतिकित्ता २१ रुपैयाँ महँगोमा बैंकले सेयर बिक्रीमा राखेको हो ।
साथै, अन्य केही संस्थापक सेयरधनीहरुले समेत आफ्नो नामको सेयर आंशिक वा पुरै बिक्री गर्ने भएका छन् । बैंकले बिक्री गर्न लागेको उक्त सेयरको मूल्य प्रतिकित्ता न्युनतम १३५ रुपैयाँ तोकेको छ । इच्छुक संस्थापक लगानीकर्ताले आवेदन दिँदा सो वा सो भन्दा बढी मूल्य अंतिक गरी बोलकबोल गर्नुपर्नेछ ।
बैंकको उक्त सेयरमा संस्थापक सेयरधनीले मात्रै खरिद गर्न पाउनेछन् । यदि ३५ दिनभित्र संस्थापकले बोलपत्र पेश नगरे सर्वासधारण लगानीकर्ताका लागि बिक्री खुला गरिने बैंकले जनाएको छ ।
वि.सं.२०८० वैशाख ४ सोमवार १३:१३ मा प्रकाशित
