काठमाडौं । नेपाली बजारमा सुनको भाउमा उच्च वृद्धि आएको छ।
नेपाल सुनचाँदी व्यवसायी महासंघका अनुसार आज सुनको भाउ तोलामा १ हजार ५०० रुपैयाँले बढेको हो। योसँगै छापावाल सुन प्रतितोला १ लाख १२ हजार रुपैयाँ र तेजाबी सुन १ लाख ११ हजार ४५० रुपैयाँ कायम भएको छ।
सुनको आजको भाउ हालसम्मकै उच्च हो। यसअघि गत वैशाख २१ गते सुनको भाउले नयाँ उचाइ चुमेको थियो। त्यतिबेला फाइन गोल्ड १ लाख ११ हजार ८०० रुपैयाँ र तेजाबी गोल्ड १ लाख ११ हजार ३०० रुपैयाँमा कारोबार भएको थियो।
हिजो पनि सुनको भाउ तोलामा २ हजार ४०० रुपैयाँले बढेको थियो। यो दिन छापावाल सुन प्रतितोला १ लाख १० हजार ५०० रुपैयाँ तेजाबी सुन १ लाख ९ हजार ९५० रुपैयाँमा कारोबार भएको थियो।
आज चाँदीको भाउ तोलामा २० रुपैयाँले बढेर १ हजार ३९५ रुपैयाँ कायम भएको छ। हिजो चाँदी १ हजार ३७५ रुपैयाँमा किकबेच भएको थियो।
वि.सं.२०८० जेठ १७ बुधवार १२:२० मा प्रकाशित
