कम्पनीको आइपीओ सिडिएसले संचालन गरेको बेवसाइट iporesult.cdsc.com.np/ तथा बिक्री प्रबन्धकको बेवसाइट https://himalayancapital.com/ बाट हेर्ने सकिनेछ ।
काठमाडौं । थ्रीस्टार हाइड्रोपावर लिमिटेडले वैदेशिक रोजगारीमा रहेका नेपालीमा निष्काशन गरेको आइपीओ बाँडफाँड गरेको छ । कम्पनीले बैशाख ११ गतेदेखि २५ गतेसम्म वैदेशिक रोजगारीमा रहेका नेपालीका लागि ७३ हजार ८७५ कित्ता आइपीओ विक्री खुला गरेको थियो ।
तोकिएको अवधिभित्र रीतपूर्वक आवेदन दिने आवेदकहरूमध्ये ७ हजार ३८७ जना आवेदकलाई सम्पूर्ण कित्ता आइपीओ जेठ १६ गते बाँडफाँड गरिएको हो ।
कम्पनीले वैदेशिक रोजगारीमा रहेका नेपालीसँगै आयोजना प्रभावित स्थानीयमा समेत आइपीओ विक्री गरेको थियो ।
स्थानीयमा भने कम्पनीले वैशाख ११ गतेदेखि जेठ ९ गतेसम्म आईपीओ विक्री गरेको हो । कम्पनीले आयोजना प्रभावित स्थानीयमा विक्री गरेको ४ लाख ९२ हजार ५०० कित्ता आइपीओ भने बाँडफाँड गर्न बाँकी छ ।
वि.सं.२०८० जेठ १७ बुधवार १४:०४ मा प्रकाशित