काठमाडौं । विद्युत नियमन आयोगले आँखुखोला जलविद्युत कम्पनीले प्रस्तावको हकप्रदको आकार घटाएको छ।
गत वेशाख १५ गते बसेको आँखुखोला जलविद्युतको सञ्चालक समितिले बैठकले चुक्तापुँजीको २०० प्रतिशत अर्थात १ः२ अनुपातमा हकप्रद जारी गर्ने निर्णय गरेको थियो। आयोगमा पेस भएको निवेदनमा आवस्यक कारवाही भई प्रस्तावित हकप्रदको आकारमा कटौती गर्दै चुक्तापुँजीको १५० प्रतिशत अर्थात १ः१.५ अनुपातमा हकप्रद जारी गर्ने प्रस्ताव साधारणसभामा पेस गरी पारित गर्न स्वीकृति प्रदान गरेको हो।
कम्पनी सञ्चालक समितिको आज अपराह्न बसेको बैठकले नियमन आयोगले तोकेकोबमोजिम हकप्रद सेयर आगामी साधारणसभाबाट अनुमोदन गर्ने निर्णय गरेको छ। आगामी साधारणसभाबाट अनुमोदन गरेपछि कम्पनीले हकप्रद निष्कासनको प्रक्रिया अगाडि बढाउनेछ।
वि.सं.२०८० जेठ १७ बुधवार १६:२० मा प्रकाशित