काठमाडौं । सिटिजन लाइफ इन्स्योरेन्सले दोस्रो बजारमा पहिलो कारोबारको लागि नेपाल स्टक एक्सचेन्ज (नेप्से) बाट प्रतिकित्ता न्यूनतम १७२.४३ रुपैयाँदेखि अधिकतममा ५१७.२९ रुपैयाँसम्म ओपनिङ रेन्ज पाउने देखिएको छ।
कम्पनीको आर्थिक वर्ष २०७८/७९ को वास्तविक प्रतिसेयर नेटवर्थ १७२.४३ रुपैयाँ रहेको छ।
नेप्सेले कुनै पनि कम्पनीको पहिलो सेयर करोबारको लागि प्रतिसेयर नेटवर्थको विन्दुदेखि त्यसको तीन गुणासम्मको विन्दुलाई लिएर ओपनिङ रेञ्ज तोक्ने भएकाले कम्पनीले उक्त मूल्य रेञ्ज पाउने देखिएको हो ।
सिटिजन लाइफको आइपीओ सिटिजन लाइफ बाँडफाँड भइसकेको छ। मागभन्दा बढी आवेदन परेका कारण कम्पनीको आईपीओ गोलाप्रथाबाट बाँडफाँड भएको हो। जसमा भाग्यमानी ९ लाख आवेदकले १०/१० कित्ताका दरले सेयर प्राप्त गरेका छन्।
वि.सं.२०८० भदौ २८ बिहीवार १७:१८ मा प्रकाशित
