काठमाडौं । मीड सोलु हाइड्रोपावर कम्पनीको आइपीओ बाँडफाँड भएको छ । बिक्री प्रबन्धक एनआइसी एसिया क्यापिटलले आज बुधबार काठमाडौंको बिजुलीबजारस्थित कार्निभल रेस्ट्रोमा ५ बजे आईपीओ बाँडफाँड गरेको हो ।
कम्पनीको आईपीओमा १३ लाख ५४ हजार ८४६ जनाको आवेदन परेको थियो । सो मध्ये १२ लाख ८२ हजार ८ सय १९ जनाको आवेदन मात्र योग्य भएको छ। माग भन्दा बढीको आवेदन परेकोले योग्य रहेका १२ लाख ८२ हजार ८ सय १९ जना आवेदकलाई गोलाप्रथामा सहभागी गराएर शेयर बाँडफाँड गरिएको छ ।
जसअनुसार ६२ हजार ११७ जनाले १०/१० कित्ता सेयर प्राप्त गरेका छन् । सोहि मध्येका २ जनाले भने ११ कित्ता सेयर हात पारेका छन् । यस आईपीओमा सदर आवेदकमध्ये १२ लाख २० हजार ७०२ आवेदकको हात खाली भएको छ।
कम्पनीले भदौ २९ गतेदेखि असोज २ गतेसम्म सर्वसाधारणलाई आईपीओ बिक्री खुला गरेको थियो । कम्पनीले सर्वसाधारणको लागि ६ लाख २१ हजार १७२ कित्ता सेयर निष्काशन गरेको थियो ।
वि.सं.२०८० असोज १० बुधवार १७:२० मा प्रकाशित
