काठमाडौं । आइजीआई प्रुडेन्सियल इन्सुरेन्सले इन्स्योरेन्सले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ। प्रकाशित विवरण अनुसार समिक्षा अवधिमा इन्स्योरेन्सले ५ करोड ११ लाख रुपैयाँ खुद नाफा कमाएको छ । यो गत वर्षको यसै अवधिको तुलनामा ६८.०९ प्रतिशतले धेरै हो । गत वर्ष कम्पनीले ३ करोड ४ लाख रुपैयाँ नाफा आर्जन गरेको थियो ।
कम्पनीको लगानी तथा कर्जाबाट हुने आम्दानी पनि ११६.१० प्रतिशतले बढेको छ । यसको लगानी तथा कर्जाबाट हुने आम्दानी ४ करोड ८२ लाख रुपैयाँबाट बढेर १० करोड ४१ लाख रुपैयाँ पुगेको छ । कम्पनीको कुल दावी भुक्तानी ४४ करोड ३४ लाख रुपैयाँ रहेको छ । गत वर्ष १७ करोड ७६ लाख रुपैयाँ थियो । यस अवधिमा इन्स्योरेन्सको चुक्ता पुँजी ३ अर्ब २ करोड रुपैयाँ रहेको छ ।
कम्पनीको रिटेन्ड अर्निङमा १ अर्ब १९ करोड रुपैयाँ रहेको छ । इन्स्योरेन्सको बिमा कोषमा ४ अर्ब ९४ करोड रुपैयाँ रहेको छ । यस अवधिमा कम्पनीले २२ करोड ५२ लाख रुपैयाँ बराबरको खुद बिमा शुल्क आर्जन गरेको छ । यो गत वर्षको भन्दा १२५.०४ प्रतिशतले धेरै हो । गत वर्ष यसले १० करोड १ लाख रुपैयाँ बराबरको बिमा शुल्क आर्जन गरेको थियो । कम्पनीको प्रतिसेयर आम्दानी ६ रुपैयाँ ७५ पैसा र प्रतिसेयर नेटवर्थ भने १६० रुपैयाँ २ पैसा रहेको छ ।
वि.सं.२०८० मंसिर ४ सोमवार १३:५५ मा प्रकाशित
