काठमाडौ । नेपाल इन्फ्रास्ट्रक्चर बैंक (निफ्रा) ले वार्षिक साधारण सभा बोलाएको छ । कम्पनीको मंसिर १४ गते बिहीबार बसेको सञ्चालक समितिको बैठकले साधारण सभा बस्ने निर्णय गरेको हो ।
सभा अनुपम फुडल्याण्ड एन्ड ब्यांक्वेवट, बत्तिसपुतली, काठमाडौंमा पुस १७ गते बिहान ९ बजेबाट सुरु हुनेछ । सभामा कम्पनीले ४.२१०५ प्रतिशत नगद लाभांश(कर सहित) वितरण प्रस्ताव पेश गर्नेछ ।
सभामा आर्थिक वर्ष २०७९/८० को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०८०/८१ का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि रहेको छ ।
बैंकको प्रबन्धपत्र संशोधन गर्ने र सोका लागि आवश्यक पर्ने सम्पूर्ण कार्य गर्न सञ्चालक समितिलाई अख्तियारी दिने विशेष प्रस्ताव पनि अनुमोदन गर्नेछ । संस्थापक समूहबाट ३ जना सञ्चालकको निर्वाचन गर्ने एजेन्डा पनि रहेको छ ।
सभा प्रयोजनका लागि कम्पनीले पुस ६ गते बुक क्लोज गर्ने भएको छ । यसर्थ, पुस ५ गतेसम्म कायम सेयरधनी मात्र प्रस्तावित लाभांश पाउन र सभामा भाग लिन सक्नेछन् ।
वि.सं.२०८० मंसिर १५ शुक्रवार १०:४८ मा प्रकाशित
