काठमाडौं । साताको अन्तिम कारोबार तथा बिहीबार सेयर बजारमा सामान्य सुधार आएको छ । उक्त दिन बजार ११.७३ अंकले बढेर १८५२ को विन्दुमा कायम हुन पुगेको हो ।
आज सेयर बजारमा सुधार आउँदा सबैभन्दा बढी नेपाल रिइन्स्योरेन्स कम्पनीको प्रमोटर सेयरको कारोबार भएको छ । आज कम्पनीको ८६ करोड ८३ लाख ७८ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सिटिजन लाइफ इन्स्योरेन्सको ९ करोड ५४ लाख ६८ हजार हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सोनापुर मिनरल्सको ९ करोड २७ लाख ६१ हजार रुपैयाँ, माउन्टेन इनर्जी नेपालको ८ करोड ७६ लाख २८ हजार रुपैयाँ र ग्लोबल आइएमई बैंकको प्रमोटर सेयरको ८ करोड रुपैयाँको कारोबार भएको हो ।
वि.सं.२०८० मंसिर २१ बिहीवार १५:०५ मा प्रकाशित
