काठमाडौं । साताको तेस्रो कारोबार दिन सेयर बजारमा दोहोरो अंकको वृद्धि भएको छ । मंगलबार बजार २३.९४ अंकले बढेर २११५ को विन्दुमा कायम हुन पुगेको छ ।
उक्त दिन सबैभन्दा बढी पोखरा फाइनान्सको सर्वाधिक सेयर कारोबार भएको छ । आज कम्पनीको २४ करोड ६७ लाख ७१ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको सिइडिबी हाइड्रोपावरको १२ करोड ९९ लाख २३ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन कालिका पावर कम्पनीको १२ करोड ३८ लाख ४९ हजार रुपैयाँ, माउन्टेन इनर्जी नेपालको १० करोड ४१ लाख ८८ हजार रुपैयाँ र सिंगटी हाइड्रो इनर्जीको १० करोड १० लाख १७ हजार रुपैयाँको कारोबार भएको हो ।
वि.सं.२०८१ जेठ ८ मंगलवार १५:१२ मा प्रकाशित
