काठमाडौं । साताको चौथो कारोबार दिन सेयर बजारमा सामान्य सुधार आएको छ । बुधबार बजार २.२७ अंकले बढेर २०७८ को विन्दुमा कायम हुन पुगेको छ ।
उक्त दिन सबैभन्दा बढी नेपाल फाइनान्सको सेयर सर्वाधिक कारोबार भएको छ । आज कम्पनीको २० करोड २३ लाख ३८ हजार रुपैया बराबरको कारोबार भएको छ ।
कारोबार रकमको आधारमा दोस्रो स्थानमा रहेको गुर्खाज फाइनान्सको ९ करोड ६६ लाख ८४ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन ग्लोबल आइएमई लघुवित्तको ८ करोड ९९ लाख ४ हजार रुपैयाँ, सिइडिबी हाइड्रोपावरको ७ करोड ७४ लाख ५३ हजार रुपैयाँ र हिमालयन लघुवित्तको ७ करोड ४८ लाख ९७ हजार रुपैयाँको कारोबार भएको हो ।
वि.सं.२०८१ असार ५ बुधवार १५:११ मा प्रकाशित
