
काठमाडौं । साताको तेस्रो कारोबार दिन सेयर बजारमा वृद्धि भएको छ । मंगलबार बजार ५.६० अंकले बढेर २०७१ को विन्दुमा कायम हुन पुगेको छ ।
आज नेप्सेमा कारोबार भएको आज ३१९ कम्पनीको ९४ लाख ३५ हजार ४५४ कित्ता शेयर किनबेच हुँदा ४ अर्ब १८ करोड ७७ लाख ९६ हजार रुपैयाँको कारोबार भएको छ । आज बजारमा सुधार आउँदा ८ वटा उपसूचक हरियो भएको छ ।
उक्त दिन ग्लोबल आइएमई बैंक डिबेञ्चर, मकर जितुमाया सुरी हाइड्रोपावरको सेयरमा सकरात्मक सर्किट लाएको छ । त्यसैगरी, न्यादी हाइड्रोपावरको ८.६५ प्रतिशत, अपर सोलु हाइड्रो इलेक्ट्रिक कम्पनीको ७.५७ प्रतिशत, चिरख्वा हाइड्रोपावरको ६.६८ प्रतिशतले सेयर मूल्य बढेको छ ।
वि.सं.२०८१ असार ११ मंगलवार १५:०७ मा प्रकाशित