काठमाडौं । नेपाल इन्फ्रास्ट्रक्चर बैंक लिमिटेड (निफ्रा)ले गत आर्थिक वर्षको चौथो त्रैमाससम्मको अपरिष्कृत वित्तीय विवरण प्रकाशित गरेको छ।
प्रकाशित विवरण अनुसार बैंकले १ अर्ब ३३ करोड ५ लाख रुपैयाँ खुद नाफा आर्जन गरेको छ। यो अघिल्लो आर्थिक वर्षको सोही अवधिको तुलनामा ५.९८ प्रतिशत कम हो। अघिल्लो आर्थिक वर्षको सोही अवधिसम्ममा बैंकको यस्तो नाफा १ अर्ब ४१ करोड ५२ लाख रुपैयाँ थियो।
समीक्षा अवधिमा बैंकको खुद ब्याज आम्दानी ६.४७ प्रतिशत, कमिशन आम्दानी ५४.२६ प्रतिशत, खुद सञ्चालन आम्दानी ६.८६ प्रतिशत र सञ्चालन मुनाफा ५.८७ प्रतिशत घटेको छ।
नाफासँगै बैंकको प्रतिशेयर आम्दानी ३९ पैसा घटेर ६ रुपैयाँ १६ पैसामा झरेको छ। यस, अवधिसम्ममा बैंकको प्रतिशेयर नेटवर्थ ११३ रुपैयाँ ७० पैसा र मूल्य आम्दानी अनुपात ३७.०१ गुणा रहेको छ।
समिक्षा अवधिमा बैंकको वितरणयोग्य मुनाफा ७० करोड ७२ लाख रुपैयाँ रहेको छ भने वितरणयोग्य प्रतिशेयर आम्दानी ३ रुपैयाँ २७ पैसा रहेको छ। बैंकको चुक्ता पूँजी २१ अर्ब ६० करोड रुपैयाँ रहेको छ ।
वि.सं.२०८१ साउन ७ सोमवार ०६:५१ मा प्रकाशित
