काठमाडौं । साताको तेस्रो कारोबार दिन सुनको भाउ ह्वात्तै घटेको छ । उक्त दिन सुनको भाउ प्रतितोला २३०० रुपैंयाले घटेको हो ।
नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ४७ हजार ७०० रुपैयाँ कायम भएको छ भने तेजावी सुनको मूल्य प्रतितोला १ लाख ४७ हजार रुपैयाँमा कारोबार भइरहेको छ ।
अघिल्लो कारोबार दिन सोमबार छापावाल सुन प्रतितोला १ लाख ५० हजार रुपैयाँमा कारोबार भएको थियो भने तेजावी सुनको मूल्य तोलाको १ लाख ४९ हजार ३०० हजार रुपैयाँमा कारोबार भएको थियो। यो हालसम्मकै उच्च मूल्य हो । त्यसैगरी आज चाँदीको भाउ प्रतितोला ६० रुपैंयाले घटेर १ हजार ७२५ रुपैयाँमा कारोबार भइरहेको छ ।
वि.सं.२०८१ साउन २२ मंगलवार १०:४१ मा प्रकाशित
