काठमाडौं । साताको अन्तिम कारोबार तथा तीजको दिन सुनको मूल्य हालसम्मकै महङ्गो भएको छ । अघिल्लो दिन स्थिर रहेको सुनको मूल्य आज १३०० रुपैंयाले बढ्दै हालसम्मकै उच्च विन्दुमा पुगेको छ ।
नेपाल सुनचाँदी व्यवसायी महासंघका अनुसार आज छापावाला सुन प्रतितोला १ लाख ५३ हजार ३ सय रुपैयाँका कारोबार भइरहेको छ । यो मूल्य हालसम्मकै उच्च हो ।
यसअघि गत भदौ १३ गते सुनको मूल्य हालसम्मकै उच्च कायम भएको थियो । त्यसदिन छापावाला सुनको मूल्य प्रतितोला १ लाख ५३ हजार २ सय रुपैयाँ कायम भएको थियो ।
आज चाँदीको मूल्य पनि ३० रुपैयाँले बढ्दै प्रतितोला १ हजार ७९५ रुपैयाँमा कारोबार भईरहेको छ ।
वि.सं.२०८१ भदौ २१ शुक्रवार १०:५५ मा प्रकाशित
