काठमाडौं । गत आर्थिक वर्ष २०८०/०८१ को मुनाफाबाट आज २०८१ भदौ २८ गते शुक्रबार तीन कम्पनीहरुले लाभांश घोषणा गरेका छन् ।
उक्त दिन ओरियण्टल होटल्स् लिमिटेड, हाथवे इन्भेष्टमेन्ट कम्पनी र ग्लोबल आइएमई ब्यालेन्स्ड फण्ड १ ले आफ्ना सेयरधनीलाई लाभांश घोषणा गरेका हुन् ।
ओरियण्टल होटल्स् लिमिटेड
ओरियण्टल होटल्स् लिमिटेडको भदौ २७ गते बसेको सञ्चालक समितिकिो बैठकले गत आवका लागि सेयरधनीहरुलाई ५ प्रतिशत बोनस सेयर र ०.२६३१६ नगद लाभांश(कर प्रयोजनका लागि) गरी जम्मा ५.२६३१६बितरण गर्ने निर्णय गरेको हो ।
हाथवे इन्भेष्टमेन्ट कम्पनी
हाथवे इन्भेष्टमेन्ट कम्पनी लिमिटेडको भदौ २७ गते बसेको सञ्चालक समितिको बैठकले गत आर्थिक वर्षका लागि लाभांशको प्रस्ताव गरेको हो ।
बैठकले आव २०८०र८१ का वितरणयोग्य मुनाफाबाट १०.५२६ प्रतिशत लाभांशको घोषणा गरेको हो । जसमा १० प्रतिशत बोनस सेयर र ०.५२६ प्रतिशत नगद लाभांश(कर प्रयोजनका लागि) रहेको छ ।
ग्लोबल आइएमई ब्यालेन्स्ड फण्ड १
ग्लोबल आइएमई क्यापिटल लिमिटेड योजना व्यवस्थापकको रुपमा सञ्चालित ग्लोबल आइएमई ब्यालेन्स्ड फण्ड १ को भदौ २८ गते बसेको १७८ औं सञ्चालक समितिको बैठकले लाभांशको निर्णय गरेको हो ।
बैठकले आर्थिक वर्ष २०८०/८१ का लागि ग्लोबल आइएमई ब्यालेन्स्ड फण्ड १ का ईकाइधनीहरुलाई कर सहित ५ प्रतिशतका दरले लाभांश प्रस्ताव गरिएको हो ।
वि.सं.२०८१ भदौ २८ शुक्रवार १६:३७ मा प्रकाशित
