काठमाडौं । नेपाल प्रिमियर लिग (एनपीएल) क्रिकेटको आज भएको पहिलो खेलमा कर्णाली याक्स ६ विकेटले विजयी भएको छ । सुरुवाती दुई खेलमा पराजित कर्णालीले तेस्रो खेलमा चितवन राइनोजलाई ६ विकेट पराजित गरेको हो ।
शुक्रबार कीर्तिपुरस्थित त्रिवि टीयू क्रिकेट मैदानमा चितवनले दिएको १३१ रनको लक्ष्य कर्णालीले एक बल बाँकी छँदा ४ विकेट गुमाएर पूरा गर्यो ।
कर्णालीका ओपनर शिखर धवनले सर्वाधिक ४५ रन जोडे । उनले देव खनालसँग ५३ र चाडविक वाल्टनसँग ५५ रनको साझेदारी गरेका थिए ।
वि.सं.२०८१ मंसिर २१ शुक्रवार १२:४३ मा प्रकाशित
