काठमाडौं । युनियन मेवा हाइड्रोले आईपीओ निष्काशन गर्ने भएको छ । कम्पनीले ३५ करोड ३८ लाख ६० हजार ५ सय रुपैयाँको रु.१०० अंकित दरका ३५ लाख ३८ हजार ६०५ कित्ता आईपीओ जारी गर्ने भएको हो ।
यसका लागि लक्ष्मी सन्राइज क्यापिटल लिमिटेडलाई शेयर निष्काशन तथा बिक्री प्रबन्ध नियुक्त गरेको छ । उक्त सम्झौतामा लक्ष्मी सनराइज क्यापिटलको तर्फबाट प्रमुख कार्यकारी अधिकृत विजय लाल श्रेष्ठ र युनियन मेवा हाइड्रो लिमिटेडको तर्फबाट अध्यक्ष किरण मल्लले हस्ताक्षर गर्नुभएको छ ।
युनियन मेवा हाइड्रोले ताप्लेजुङ जिल्लाको मिक्वा खोला गाउँपालिकामा रहेका २३ मेगावाट क्षमताको मेवा खोला जलविद्युत आयोजना निर्माणाधिन करिब ३५ प्रतिशत कार्य सम्पन्न भईसकेको छ ।
वि.सं.२०८१ मंसिर २१ शुक्रवार १४:१५ मा प्रकाशित
