काठमाडौं । गार्डियन माइक्रो लाइफ इन्स्योरेन्सले वैदेशिक रोजगारीमा गएका नेपालीका लागि बिक्री खुला गरेको आइपीओमा १४ करोड ६४ लाख ९२ हजार रुपैयाँ बराबरको आवेदन परेको छ ।
सीडीएस एण्ड क्लियरिङका अनुसार आज मंसिर २१ गते साँझसम्म २५ हजार ५७३ जनाले १४ लाख ६४ हजार ९२० कित्ताका लागि आवेदन दिएका हुन् । जुन मागभन्दा ६.५१ गुणा बढी आवेदन हो ।
कम्पनीले मंसिर १९ गतेदेखि वैदेशिक रोजगारीमा रहेका नेपालीहरुलाई २ लाख २५ हजार कित्ता आइपीओ बिक्री खुला गरेको हो । न्यूनतम १० कित्तादेखि अधिकतम १ लाख कित्ताका लागि आवेदन दिन पाइनेछ । यसमा वैदेशिक रोजगारीमा रहेका नेपालीले यसमा पुस ३ गतेसम्म आवेदन दिन सक्नेछन् । कम्पनीको शेयर निष्काशन तथा बिक्री प्रबन्धक कुमारी क्यापिटल लिमिटेड रहेको छ।
वि.सं.२०८१ मंसिर २१ शुक्रवार १७:५० मा प्रकाशित
