
काठमाडौं । साताको पहिलो कारोबार दिन सेयर बजारमा वढोत्तरी आएको छ । उक्त दिन बजार १२.५८ अंकले बढेर २६०१.२१ को विन्दुमा कायम भएको छ ।
उक्त दिन सबैभन्दा बढी एनआरएन इन्फ्रस्ट्रक्चरको सेयर सर्वाधिक कारोबार भएको छ । आज कम्पनीको २६ करोड ८५ लाख २५ हजार रुपैया बराबरको कारोबार भएको छ । कारोबार रकमको आधारमा दोस्रो स्थानमा रहेको सुपरमादी हाइड्रोपावरको २४ करोड ४५ लाख ५४ हजार रुपैयाँ बराबरको सेयर खरिद बिक्री भएको छ ।
त्यस्तै उक्त दिन सानिमा मिडिल तमोर हाइड्रोपावरको १५ करोड १५ लाख ३० हजार रुपैंया, सिन्धु विकास बैंकको १४ करोड ९२ लाख २७ हजार रुपैयाँ, पोखरा फाइनान्सको १३ करोड ८३ लाख ८२ हजार रुपैयाँको कारोबार भएको हो ।
वि.सं.२०८१ माघ ६ आइतवार १५:१६ मा प्रकाशित